جنرل حسین سلامی، جنرل غلام علی رشید، اور ممتاز ایرانی جوہری سائنسدان اسرائیلی حملے میں شہید
ایران کے اسلامی انقلابی گارڈ کور (IRGC) کے کمانڈر میجر جنرل حسین سلامی، خاتم الانبیاء مرکزی ہیڈکوارٹر کے کمانڈر میجر جنرل غلام علی رشید، جوہری سائنسدان اور سابق جوہری سربراہ ڈاکٹر فریدون عباسی، اور ممتاز سائنسدان محمد مہدی طہرانچی اسرائیلی حملے میں شہید ہو گئے ہیں۔
رہبر انقلاب اسلامی کا قوم سے خطاب
بسم اللہ الرحمٰن الرحیم
اے عظیم ملتِ ایران!
آج صبح کے ابتدائی لمحات میں صہیونی حکومت نے اپنے ناپاک، خون آلود ہاتھ کو ایک اور جرم کے لیے دراز کیا، اور ہمارے عزیز وطن پر حملہ کر کے اپنی خبیث فطرت کو پہلے سے کہیں زیادہ آشکار کر دیا۔ دشمن نے رہائشی علاقوں کو نشانہ بنایا ہے، جو کھلی جارحیت ہے۔
یہ صہیونی حکومت اب "سخت ترین سزا” کی منتظر رہے۔
اسلامی جمہوریہ ایران کی مسلح افواج کا طاقتور ہاتھ، ان شاء اللہ، اسے ہرگز معاف نہیں کرے گا۔
دشمن کے ان حملوں میں کئی اعلیٰ فوجی کمانڈر اور سائنسدان شہید ہوئے، مگر ان کے جانشین اور ساتھی فوراً، خدا کے فضل سے، اپنے فرائض سنبھالیں گے۔
اس جرم کے ساتھ، صہیونی حکومت نے اپنے لیے ایک تلخ اور دردناک انجام تیار کر لیا ہے — اور وہ انجام اسے ضرور ملے گا۔
