اسرائیلی افواج نے آج صبح صلاح الدین اسٹریٹ پر جمع بے بس فلسطینیوں پر گولیاں چلا دیں، جو حال ہی میں قائم کیے گئے امدادی مراکز سے خوراک حاصل کرنے کی کوشش کر رہے تھے۔ یہ مراکز متنازعہ "غزہ ہیومینٹیرین فاؤنڈیشن” کے تحت کام کر رہے ہیں۔
ہر صبح ایسے ہی دل دہلا دینے والے مناظر دیکھنے کو ملتے ہیں۔
طبی ذرائع کے مطابق فائرنگ کے نتیجے میں کم از کم 20 فلسطینی زخمی ہوئے۔ ایک علیحدہ واقعے میں، ایک فلسطینی کو اس وقت نشانہ بنا کر زخمی کیا گیا جب وہ رفح شہر کے قریب ایک امدادی مرکز کی جانب بڑھ رہا تھا۔ عینی شاہدین کے مطابق اسے اسرائیلی سنائپرز نے گولی ماری۔
گزشتہ 72 گھنٹوں کے دوران صرف امداد کے حصول کی کوشش میں فائرنگ سے جاں بحق ہونے والے فلسطینیوں کی تعداد 10 ہو چکی ہے۔ یہ واقعات اس امر کی سنگینی کو واضح کرتے ہیں کہ فلسطینیوں کو خوراک اور بنیادی ضروریات تک رسائی کے لیے بھی جان کا خطرہ مول لینا پڑ رہا ہے۔
