اقوام متحدہ نے بلوچ علیحدگی پسندوں کی پاکستان سے خودمختاری کی مبینہ اعلان کو مسترد کر دیا ہے، اور کہا ہے کہ عالمی ادارہ تمام رکن ممالک بشمول پاکستان کی خودمختاری اور سرزمین کی سالمیت کے حق میں کھڑا ہے۔
نیویارک میں ایک معمول کی نیوز بریفنگ کے دوران کرد ٹی وی کے رپورٹر کے سوال کے جواب میں اقوام متحدہ کے نائب ترجمان فرحان عزیز حق نے کہا:
"ہم آپ کو اقوام متحدہ کے چارٹر کی طرف رجوع کرواتے ہیں، جس میں تمام ممالک کی خودمختاری اور سرزمین کی سالمیت کا تحفظ کیا گیا ہے، اور اس میں پاکستان بھی شامل ہے۔”
