وفاقی وزیر داخلہ محسن نقوی منشیات اسمگلنگ اور انسانی اسمگلنگ کے خلاف تعاون بڑھانے کے لیے عمان کے ساتھ بات چیت کے لیے ایک روزہ سرکاری دورے پر مسقط پہنچے۔ائیرپورٹ پہنچنے پر محسن نقوی کا استقبال عمان کی وزارت داخلہ کے اعلیٰ حکام نے کیا، جن میں سیکرٹری خالد بن ہلال بن سعود البوسیدی، عمان میں پاکستان کے سفیر سید نوید صفدر بخاری، اور دیگر معزز شخصیات شامل تھیں۔سیکرٹری البوسیدی سے ملاقات میں محسن نقوی نے عمان کے ساتھ منشیات مخالف اور انسانی اسمگلنگ کی روک تھام کے اقدامات میں تعاون بڑھانے کے پاکستان کے عزم کا اظہار کیا۔
البوسیدی نے محسن نقوی کا گرمجوشی سے استقبال کیا اور دو طرفہ ہم آہنگی کی اہمیت کو تسلیم کیا۔
محسن نقوی اپنے قیام کے دوران عمان کے دیگر اعلیٰ حکام سے ملاقات کرنے والے ہیں۔ ان ملاقاتوں میں خطے کی موجودہ صورتحال پر بات چیت متوقع ہے، جس میں نقوی عمانی حکام کو پاکستان کے مؤقف سے آگاہ کریں گے۔
