امریکی فضائی حملوں میں یمن کے صوبہ صعدہ میں واقع ایک پناہ گزین حراستی مرکز کو نشانہ بنایا گیا، جس کے نتیجے میں درجنوں افراد ہلاک و زخمی ہو گئے ہیں۔
المیادین کے نامہ نگار کے مطابق، صعدہ کے اصلاحی مرکز میں غیر قانونی افریقی تارکین وطن کی عمارت پر امریکی طیاروں نے بمباری کی، جس سے متعدد افراد جاں بحق اور زخمی ہوئے۔
علاقائی ذرائع کا کہنا ہے کہ بعض لاشیں اور زخمیوں کو صوبے کے اسپتالوں میں منتقل کیا گیا، جبکہ سیکیورٹی اور طبی ٹیمیں امدادی سرگرمیوں میں مصروف ہیں۔
اسپتالوں پر دباؤ، طبی وسائل ناکافی
صعدہ کے اسپتال شدید دباؤ کا شکار ہیں کیونکہ زخمیوں کی تعداد میں مسلسل اضافہ ہو رہا ہے۔ طبی عملہ محدود وسائل کے ساتھ شدید دباؤ میں کام کر رہا ہے۔
ایک مقامی ذریعے نے المیادین کو بتایا: "ہم صعدہ میں ایک نئی ہولناک خونریزی کا مشاہدہ کر رہے ہیں، جو امریکی مجرمانہ پالیسی، اس کی الجھن اور ناکامی کا منہ بولتا ثبوت ہے۔”
اس واقعے سے پہلے امریکی حملوں نے الجوف کے ضلع برط العنان کو چار مسلسل فضائی حملوں کا نشانہ بنایا۔
صنعاء میں بھی جانی نقصان
ادھر یمنی وزارت صحت نے اتوار کو بتایا کہ امریکی جارحیت کے باعث دارالحکومت صنعاء میں دو خواتین اور تین بچوں سمیت 12 افراد ہلاک و زخمی ہوئے۔
