اسلام آباد – وفاقی حکومت نے ملک بھر میں پولیو کے پھیلاؤ کے تشویشناک رجحان پر قابو پانے کے لیے 21 اپریل سے انسداد پولیو مہم شروع کرنے کا فیصلہ کیا ہے، جو 27 اپریل 2025 کو مکمل ہو گی۔
نیشنل ایمرجنسی آپریشنز سینٹر (NEOC) برائے پولیو کے مطابق، اس مہم کے دوران 4 کروڑ 50 لاکھ سے زائد بچوں کو پولیو کے قطرے پلائے جائیں گے۔ رواں سال کے پہلے چھ ماہ میں مجموعی طور پر تین انسداد پولیو مہمات کا آغاز کیا جائے گا۔ پہلی مہم فروری 2025 میں پہلے ہی منعقد کی جا چکی ہے، جبکہ دوسری اور تیسری مہمات اپریل اور مئی 2025 میں شروع کی جائیں گی۔
فروری میں ہونے والی پہلی انسداد پولیو مہم کے دوران تقریباً 4 کروڑ 25 لاکھ بچوں کو پولیو ویکسین پلائی گئی تھی۔ NEOC کے مطابق رواں سال کے آغاز سے اب تک ملک بھر سے پولیو کے 6 کیسز رپورٹ ہو چکے ہیں۔
