بنگلہ دیش کا اسٹار لنک کے ساتھ تین ماہ میں معاہدے کا امکان
ڈھاکہ: بنگلہ دیش کے عبوری رہنما نے منگل کے روز اعلان کیا کہ ایلون مسک کی اسپیس ایکس کی ملکیت والے اسٹار لنک سیٹلائٹ انٹرنیٹ نیٹ ورک کے ساتھ ایک تجارتی معاہدہ متوقع ہے، جو اگلے تین ماہ میں حتمی شکل اختیار کر سکتا ہے۔یہ معاہدہ پورے جنوبی ایشیائی ملک میں انٹرنیٹ سروس فراہم کرنے کے لیے کیا جا رہا ہے، جس سے بنگلہ دیش کے دیہی اور دور دراز علاقوں میں تیز رفتار انٹرنیٹ کی دستیابی میں نمایاں بہتری آئے گی۔یونس، جو ایک نوبل انعام یافتہ ماہر اقتصادیات ہیں، نے گزشتہ سال اگست میں شیخ حسینہ کے اقتدار سے بےدخل ہونے کے بعد عبوری حکومت کی باگ ڈور سنبھالی۔ حسینہ حکومت کو ہفتوں پر محیط پرتشدد مظاہروں کے بعد استعفیٰ دینا پڑا اور وہ بھارت فرار ہو گئیں۔
ڈیجیٹل آزادی اور منصفانہ انتخابات پر زور
یومِ آزادی کے موقع پر قوم سے خطاب میں یونس نے کہا:
"اگر اسٹار لنک متعارف ہو جاتا ہے تو کوئی بھی حکومت انٹرنیٹ تک رسائی بند نہیں کر سکے گی اور شہریوں کو ڈیجیٹل دنیا سے لاک آؤٹ نہیں کیا جا سکے گا۔”انہوں نے مزید کہا کہ "ہمارا ہدف یہ ہے کہ آنے والے انتخابات بنگلہ دیش کی تاریخ کے سب سے زیادہ آزاد، منصفانہ اور شفاف ہوں۔”
