اسلام آباد – حکومت نے ایک بار پھر تمام غیر قانونی غیر ملکیوں اور افغان سٹیزن کارڈ رکھنے والوں کو 31 مارچ تک پاکستان چھوڑنے کی ہدایت دہرا دی ہے، جبکہ اس ڈیڈ لائن میں محض 11 دن باقی رہ گئے ہیں۔
حکام نے یقین دلایا ہے کہ واپسی کا عمل انسانی ہمدردی کے تحت مکمل کیا جائے گا اور کسی بھی فرد کے ساتھ ناروا سلوک نہیں کیا جائے گا۔ اس کے علاوہ، حکومت نے وطن واپس جانے والے افراد کے لیے خوراک اور صحت کی سہولیات کا بھی بندوبست کیا ہے۔
سرکاری حکام کے مطابق، یہ فیصلہ قومی سلامتی کی وسیع تر پالیسی کا حصہ ہے، اور تمام ضروری اقدامات کیے جا چکے ہیں تاکہ متاثرہ افراد کی روانگی کو منظم اور سہل بنایا جا سکے۔
