سعودی عرب کا اسرائیل پر دباؤ ڈالنے کا مطالبہ، غزہ میں فوری اور غیر مشروط بجلی بحالی پر زور
سعودی عرب نے عالمی برادری پر زور دیا ہے کہ وہ اسرائیل پر دباؤ ڈالے تاکہ وہ فوری طور پر غزہ میں بجلی بحال کرے اور بغیر کسی شرط یا پابندی کے امداد کی فراہمی کی اجازت دے۔گزشتہ روز جاری کردہ ایک بیان میں، سعودی وزارت خارجہ نے غزہ میں فلسطینیوں کے خلاف اجتماعی سزا کے طور پر بجلی منقطع کرنے کے اسرائیلی اقدام کی شدید مذمت کی۔وزارت نے اس بات پر زور دیا کہ مملکت عالمی برادری سے فوری اقدامات کا مطالبہ کرتی ہے تاکہ "بجلی کی فوری اور غیر مشروط بحالی کو یقینی بنایا جا سکے اور غزہ میں امداد کی ترسیل جاری رکھی جا سکے۔”
سعودی عرب نے بین الاقوامی انسانی حقوق کی خلاف ورزیوں پر اپنی سخت مخالفت کا اعادہ کیا اور اسرائیل کی ان کھلی خلاف ورزیوں کے خلاف بین الاقوامی احتسابی طریقہ کار کو فعال کرنے کا مطالبہ کیا۔
