پاکستان اور چین کا جولائی 2025 میں سی پیک کی جوائنٹ کوآرڈینیشن کمیٹی (JCC) کے 14ویں اجلاس کے انعقاد پر اتفاق
اسلام آباد – پاکستان اور چین نے چین-پاکستان اقتصادی راہداری (CPEC) کے تحت جوائنٹ کوآرڈینیشن کمیٹی (JCC) کے 14ویں اجلاس کو جولائی 2025یہ اعلان وفاقی وزیر برائے منصوبہ بندی، ترقی اور خصوصی اقدامات احسن اقبال نے منگل کے روز سی پیک پر اعلیٰ سطحی جائزہ اجلاس کی صدارت کرتے ہوئے کیا۔ اجلاس میں وزیراعظم کے معاون خصوصی برائے امور خارجہ طارق فاطمی، خیبرپختونخوا کے چیف سیکرٹری، اور وزارت خارجہ، داخلہ، مواصلات، اقتصادی امور، پیٹرولیم، تجارت، خوراک و زراعت، سائنس و ٹیکنالوجی، اور بحری امور سمیت دیگر متعلقہ وفاقی و صوبائی اداروں کے سینئر نمائندے شریک ہوئے۔اجلاس کے دوران آئندہ 14ویں JCC اجلاس کی تیاریوں کا بھی جائزہ لیا گیا، جس کے لیے چین نے اپنی مکمل حمایت کا اعادہ کیا۔ مزید برآں، تمام ورکنگ گروپ اجلاسوں کو مارچ اور اپریل 2025 میں منعقد کرنے کا شیڈول طے کر لیا گیا تاکہ JCC اجلاس سے قبل تمام پہلوؤں پر تفصیلی تیاری مکمل کی جا سکے۔یہ بات قابل ذکر ہے کہ سی پیک کی 13ویں JCC میٹنگ مئی 2024 میں ورچوئل (آن لائن) منعقد کی گئی تھی۔ میں منعقد کرنے پر اتفاق کیا ہے۔
احسن اقبال کا گوادر میں بجلی اور صاف پانی کی فراہمی میں تاخیر پر عدم اطمینان کا اظہار
اسلام آباد – وفاقی وزیر برائے منصوبہ بندی، ترقی اور خصوصی اقدامات احسن اقبال نے سی پیک جائزہ اجلاس کے دوران گوادر کی نیشنل گرڈ سے منسلک ہونے میں تاخیر پر شدید عدم اطمینان کا اظہار کیا۔ انہوں نے کوئٹہ الیکٹرک سپلائی کمپنی (QESCO) اور پاور ڈویژن کو ہدایت دی کہ وہ پانچ دن کے اندر بجلی کی فراہمی کے حوالے سے تازہ ترین پیشرفت رپورٹ پیش کریں۔مزید برآں، انہوں نے گوادر میں ڈی سیلینیشن پلانٹ کے غیر فعال ہونے پر گہری تشویش کا اظہار کرتے ہوئے، ایک ہفتے کے اندر اس مسئلے کو حل کرنے کے لیے فوری اقدامات کرنے کی ہدایت کی تاکہ شہریوں کو صاف پانی کی فراہمی یقینی بنائی جا سکے۔
سماجی و اقتصادی ترقیاتی منصوبوں میں تاخیر پر برہمی
اجلاس میں اس بات پر روشنی ڈالی گئی کہ:
- زرعی آلات اور ڈیموسٹریشن اسٹیشن بالترتیب ستمبر اور دسمبر 2024 میں وصول کیے جا چکے ہیں۔
- 10,000 سولر پینلز مئی 2024 میں جبکہ مزید 5,000 پینلز ستمبر 2024 میں فراہم کیے گئے (گرانٹ ان ایڈ پروگرام کے تحت)۔
- پینے کے پانی کی فراہمی کے لیے 150 واٹر فلٹریشن پلانٹس اور 10 ٹیوب ویل سولرائزیشن یونٹس اگست 2024 میں پاکستان پہنچ چکے ہیں۔
تاہم، اس تمام سامان کی تقسیم اور تنصیب تا حال مکمل نہیں ہوئی۔ اس پر سخت برہمی کا اظہار کرتے ہوئے احسن اقبال نے وزارت خوراک کو تین دن میں ایک جامع منصوبہ بنانے کی ہدایت کی تاکہ چین کی جانب سے فراہم کردہ آلات کی مؤثر تقسیم یقینی بنائی جا سکے۔انہوں نے مزید حکم دیا کہ تمام صوبوں کے ساتھ فوری اجلاس بلا کر دو دن کے اندر ایک باضابطہ منصوبہ پیش کیا جائے، جس میں یہ واضح کیا جائے کہ ان مشینوں کو کیسے اور کہاں استعمال کیا جائے گا۔
احسن اقبال کی ایم ایل-1 ریلوے منصوبے پر پیشرفت تیز کرنے کی ہدایت
اسلام آباد – وفاقی وزیر برائے منصوبہ بندی، ترقی اور خصوصی اقدامات احسن اقبال نے ایم ایل-1 ریلوے منصوبے پر پیشرفت کا جائزہ لیتے ہوئے بیجنگ میں پاکستانی سفارتی مشن اور اقتصادی امور ڈویژن کو ہدایت کی کہ وہ چینی حکام سے رابطہ کریں تاکہ تکنیکی اور مالیاتی ماہرین کے دورہ پاکستان کی حتمی تاریخ طے کی جا سکے۔انہوں نے زور دیا کہ چینی ورکنگ گروپ کے دورے میں سہولت فراہم کرنے کے لیے جلد از جلد مربوط اقدامات کیے جائیں تاکہ منصوبے پر عملدرآمد کو تیز کیا جا سکے۔
نئی اور ابھرتی ہوئی ٹیکنالوجیز (NET) کے فریم ورک معاہدے پر پیشرفت
مزید برآں، پاکستان اور چین کے درمیان نئی اور ابھرتی ہوئی ٹیکنالوجیز (NET) کے فریم ورک معاہدے پر بات کرتے ہوئے احسن اقبال نے وزارت انفارمیشن ٹیکنالوجی کو قیادت سونپ دی تاکہ معاہدے پر گفتگو اور اس کے عملی نفاذ کو آگے بڑھایا جا سکے۔
