نیشنل الیکٹرک پاور ریگولیٹری اتھارٹی (نیپرا) نے ملک بھر کے لیے ماہانہ ایڈجسٹمنٹ کی مد میں بجلی کی قیمت کمی کر دی۔کراچی اور ملک بھر میں بجلی سستی کرنے کا اعلان، نیپرا نے نوٹیفکیشن جاری کر دیا
نیوز کے مطابق، کراچی کے صارفین کے لیے بجلی کی قیمت میں 3 روپے فی یونٹ جبکہ ملک کے باقی حصوں کے لیے 2 روپے 12 پیسے فی یونٹ کمی کر دی گئی ہے۔نیشنل الیکٹرک پاور ریگولیٹری اتھارٹی (نیپرا) نے بجلی کی قیمتوں میں کمی کے حوالے سے الگ الگ نوٹیفکیشنز جاری کر دیے ہیں۔
نوٹیفکیشن کے مطابق:
- کراچی کے صارفین کو یہ ریلیف دسمبر 2024 کی ماہانہ ایڈجسٹمنٹ کے تحت ملے گا، جو مارچ کے بلوں میں شامل ہوگا۔
- باقی ملک کے صارفین کے لیے بجلی کی قیمت میں کمی جنوری 2025 کی ایڈجسٹمنٹ میں کی گئی ہے۔
نیپرا نے پاور ڈویژن کی درخواست منظور کرتے ہوئے ماہانہ ایڈجسٹمنٹ میں کمی کا ریلیف دینے کی منظوری دی ہے، جس کے مطابق:
- کراچی سمیت ملک بھر کے 300 یونٹ تک استعمال کرنے والے گھریلو اور زرعی ٹیوب ویل صارفین کو یہ ریلیف ملے گا۔
- صرف نان پروٹیکٹڈ گھریلو صارفین ماہانہ ایڈجسٹمنٹ میں کمی سے فائدہ اٹھا سکیں گے۔
- زرعی ٹیوب ویل صارفین کے لیے بھی ماہانہ ایڈجسٹمنٹ میں کمی کی منظوری دے دی گئی ہے۔
واضح رہے کہ پاور ڈویژن نے نیپرا کو اس ریلیف کے حوالے سے باضابطہ خط ارسال کیا تھا، جسے منظور کر لیا گیا ہے۔
