سابق اسرائیلی وزیرِ اعظم نفتالی بینیٹ کی منگل کے روز کولمبیا یونیورسٹی میں تقریر کو شدید تنقید کا سامنا کرنا پڑا، جس کے نتیجے میں کئی طلبہ گروپوں نے ان کی موجودگی کے خلاف احتجاج
کولمبیا اسپیکٹیٹر کی رپورٹ کے مطابق، یونیورسٹی کے بارنارڈ کالج-ہیلیل، اسکول آف انٹرنیشنل اینڈ پبلک افیئرز، اور کرافٹ سینٹر فار جیوش اسٹوڈنٹ لائف نے بینیٹ کی میزبانی میں ایک پروگرام منعقد کیا۔کولمبیا چیپٹر آف جیوش وائس فار پیس اور کولمبیا فلسطین سولیڈیرٹی کولیشن نے کیمپس میں احتجاج کا اہتمام کیا، جہاں طلبہ اور مظاہرین 116ویں اسٹریٹ اور براڈوے گیٹس کے باہر اور کیمپس کے اندر جمع ہوئے، جن کے ہاتھوں میں بینرز تھے جن پر لکھا تھا: "جنگی مجرم کو ہمارے کیمپس سے نکالو”۔کولمبیا یونیورسٹی اپارتھائیڈ ڈائیویسٹ اور دیگر تنظیموں نے منگل کے روز انسٹاگرام پر احتجاج کی تصاویر شیئر کیں۔
کولمبیا جیوز فار سیزفائر نے اس تقریب سے قبل اپنے انسٹاگرام پیج پر ایک بیان جاری کیا، جس میں نفتالی بینیٹ کے "سیاسی منصوبے” کی مذمت کی گئی۔
"نفتالی بینیٹ کی میزبانی پر رضامندی ظاہر کرتے ہوئے، جبکہ ان طلبہ کو نظر انداز کیا جا رہا ہے جو ان کی قابلِ مذمت پالیسی تجاویز کو چیلنج کرنے میں خود کو محفوظ محسوس کرتے ہیں، سی بی ہیلیل (CBHillel) بالواسطہ طور پر ان پالیسیوں کی حمایت کر رہا ہے، چاہے یہ ارادی طور پر ہو یا نہیں۔”سوشل میڈیا پر بھی بینیٹ کے خلاف شدید ردعمل دیکھنے میں آیا، جہاں کئی لوگوں نے کہا کہ وہ یہاں خوش آمدید نہیں ہیں، جبکہ ایک شخص نے اکتوبر 2018 میں دیا گیا ان کا بیان یاد دلایا:
"یہ [فلسطینی] بچے نہیں ہیں — یہ دہشت گرد ہیں۔”
تقریب کے بعد کولمبیا یونیورسٹی نے ایک بیان جاری کیا، جس میں کہا گیا کہ
"یونیورسٹی نے بینیٹ کے پروگرام کے لیے کولمبیا ہیلیل کے ساتھ مل کر عوامی تحفظ کے انتظامات کیے، جن میں کسی بھی ممکنہ احتجاجی سرگرمی کے حوالے سے بھی تیاری شامل تھی۔”
بینیٹ کی ہارورڈ میں تقریر
کولمبیا میں بینیٹ کی تقریر کے بعد، سوشل میڈیا پر ہارورڈ یونیورسٹی میں جمعرات کے روز ہونے والے ایک اور پروگرام پر بھی تنقید کی گئی، جہاں سابق وزیرِاعظم خطاب کریں گے۔ ناقدین نے سوال اٹھایا کہ طلبہ سے خطاب کے لیے جنگی مجرموں کو کیوں بلایا جاتا ہے؟ بینیٹ اس سے قبل 21 جنوری کو ییل یونیورسٹی میں بھی خطاب کر چکے ہیں۔ دوسری جانب، کچھ لوگوں نے بینیٹ کے اس کردار کو بھی یاد کیا جو انہوں نے 1996 کے ber”قانا قتلِ عام” میں ادا کیا تھا، جس میں اسرائیل نے 106 عام شہریوں کو ہلاک کر دیا تھا۔
1993 میں جب اسرائیل نے جنوبی لبنان پر قبضہ کر رکھا تھا، اس دوران اس گاؤں پر ایک ہفتے تک حزب اللہ کے خلاف کارروائی کے دوران شدید بمباری کی گئی بعد ازاں اپریل 1996 میں، اسرائیلی فوجی آپریشن "گریپس آف ریتھ” کے دوران اسرائیلی افواج نے قانا گاؤں میں اقوامِ متحدہ کے امن مشن کے کمپاؤنڈ پر گولہ باری کی، جہاں تقریباً 800 شہری پناہ لیے ہوئے تھے۔ اس حملے میں 110 سے زائد افراد، جن میں خواتین اور بچے بھی شامل تھے، جاں بحق ہوئے۔
بینیٹ اس وقت اسرائیلی فوج کی ایک چھوٹی یونٹ کے کمانڈر تھے، جو اس "سیکورٹی زون” میں تعینات تھی جو اسرائیل نے جنوبی لبنان میں قائم کر رکھا تھا۔
کچھ سوشل میڈیا صارفین نے ہارورڈ یونیورسٹی کی جانب سے بینیٹ کو مدعو کرنے پر کہا کہ یہ
"طلبہ کو مسلمانوں سے نفرت کی تربیت دینے کے مترادف ہے۔”
