کچھ غلط کیا ہی نہیں تو ریفرنس کا ڈر کیوں، اللہ مالک ہے، جسٹس منصور علی شاہ

ک

"کچھ غلط کیا ہی نہیں تو ریفرنس کا ڈر کیوں، اللہ مالک ہے” – جسٹس منصور علی شاہ

اسلام آباد (ہمارا بلوچستان نیوز): سپریم کورٹ کے سینئر جج جسٹس منصور علی شاہ نے کہا ہے کہ "ریفرنس آنے دیں، جب کچھ غلط نہیں کیا تو کیوں ڈریں؟ ریفرنس جب آئے گا، تب دیکھا جائے گا۔

صحافی کے سوال پر جسٹس منصور علی شاہ کا جواب

سپریم کورٹ میں نئے ججوں کی حلف برداری کی تقریب کے دوران غیر رسمی گفتگو میں ایک صحافی نے سوال کیا کہ "حکومتی مشیر کا کہنا ہے کہ دو سینئر ججز کے خلاف ریفرنس آسکتا ہے؟”

جس پر جسٹس منصور علی شاہ نے جواب دیا:

• "کسی سے کوئی ذاتی عناد یا اختلاف نہیں۔”
• "کمرے میں موجود ہاتھی کسی کو نظر نہ آئے تو کیا کر سکتے ہیں؟”
• "تمام ججز کے ساتھ ملاقات ہوتی ہے، اکٹھے چائے بھی پیتے ہیں، جو اصولی مؤقف ہے، وہ ہمارا اپنا ہے۔”

کام نہ کرنے کے الزام پر جواب

ایک اور صحافی نے سوال کیا کہ "سنا ہے کہ آپ آج کل کام نہیں کر رہے؟”

جسٹس منصور علی شاہ نے جواب دیا:

• "سپریم کورٹ کی ویب سائٹ سے دیکھ لیں۔”

• "ڈسپوزل ریٹ (فیصلے نمٹانے کی شرح) سب سے زیادہ کس کا ہے، یہ بھی دیکھ لیں۔”
• "سب سے زیادہ رپورٹیڈ فیصلے کس کے ہیں، یہ بھی معلوم کر لیں۔”

نئے ججز کی حلف برداری

قبل ازیں سپریم کورٹ میں 6 مستقل ججز اور ایک ایکٹنگ جج نے اپنے عہدے کا حلف اٹھایا۔ چیف جسٹس یحییٰ آفریدی نے ججز سے حلف لیا۔

تقریب میں شرکت کرنے والوں میں شامل تھے:

• سپریم کورٹ اور ہائیکورٹ کے ججز
• اٹارنی جنرل
• پاکستان بار کونسل اور سپریم کورٹ بار کونسل کے عہدیداران
• بڑی تعداد میں وکلا