بیجنگ/اسلام آباد:بدھ کے روز وزیر داخلہ محسن نقوی اور ان کے چینی ہم منصب چیؤ یانجن نے پاکستان اور چین کے درمیان انٹیلی جنس شیئرنگ اور سیکیورٹی تعاون بڑھانے پر اتفاق کیا۔
پاکستان کے وزیر داخلہ محسن نقوی اور ان کے چینی ہم منصب چیؤ یانجن کے درمیان بیجنگ میں ہونے والی اعلیٰ سطح کی ملاقات میں اتفاق رائے قائم ہوا۔ ملاقات کے دوران سرحدوں کی سیکیورٹی کے لیے پیرا ملٹری فورسز کی مدد اور اس حوالے سے تعاون کو مزید بڑھانے پر تبادلہ خیال کیا گیا۔ دونوں فریقوں نے پولیس اور پیرا ملٹری فورسز کے لیے جدید ٹیکنالوجی کے استعمال پر بھی گفتگو کی۔ سیکیورٹی کے دونوں ماہرین نے پاکستان کی قانون نافذ کرنے والی ایجنسیوں کو مستحکم کرنے کے لیے چین سے جدید آلات اور ٹیکنالوجی حاصل کرنے پر تفصیل سے تبادلہ خیال کیا۔ نقوی نے اس عزم کا اظہار کیا کہ پاکستان اپنے پولیسنگ کی صلاحیتوں کو بڑھانے کے لیے جدید ٹیکنالوجی اور سامان حاصل کرے گا۔ اس کے علاوہ، دونوں ممالک نے نیشنل پولیس اکیڈمی کے درمیان تعاون کو مزید مستحکم کرنے اور بیجنگ اور اسلام آباد کی پولیس فورسز کے درمیان تعاون بڑھانے پر بھی اتفاق کیا۔
رہنماؤں نے جنوری میں جوائنٹ ورکنگ گروپ کے اجلاس میں ہونے والی پیشرفت پر اطمینان کا اظہار کیا۔
وزیروں کے درمیان اعلیٰ سطح کی یہ گفتگو دو گھنٹے تک جاری رہی۔ اس موقع پر وزیر داخلہ نے اپنے چینی ہم منصب کو پاکستان کا سرکاری دورہ کرنے کی دعوت دی
