اسلام آباد(مشرق نامہ ):
آئل اینڈ گیس ریگولیٹری اتھارٹی (اوگرا) نے یکم دسمبر 2025 سے 11.8 کلوگرام کے ایل پی جی سلنڈر کی زیادہ سے زیادہ خوردہ قیمت میں 87.21 روپے کا اضافہ کر دیا ہے۔
نئے اضافے کے بعد سلنڈر کی قیمت 2,466.10 روپے مقرر کی گئی ہے۔
اوگرا نے ایل پی جی کی پروڈیوسر قیمت 167,691.40 روپے فی ٹن مقرر کی ہے، جو نومبر میں 160,300.43 روپے تھی۔ اس طرح فی ٹن 7,390.97 روپے کا اضافہ ہوا ہے۔ اسی طرح صارفین کے لیے قیمتیں بھی بڑھ کر 208,991.40 روپے فی ٹن تک پہنچ گئی ہیں۔
ریگولیٹر کے مطابق اس بار قیمتوں میں اضافہ سعودی آرامکو سی پی (Saudi Aramco-CP) کی حوالہ قیمت میں 4.93 فیصد اضافہ کی وجہ سے ہوا ہے، جبکہ اوسط ڈالر-روپیہ ایکسچینج ریٹ میں 0.15 فیصد کمی دیکھی گئی ہے۔
