مانیٹرنگ ڈیسک (مشرق نامہ) – اسرائیلی فضائی حملے میں بیروت میں حزب اللہ کے اعلیٰ عسکری کمانڈر ہشام علی طباطبائی سمیت چار دیگر افراد شہید ہوگئے۔
حزب اللہ کے سینئر رہنما محمود قماطی کے مطابق یہ حملہ ایک ایسے ’’سرخ خط‘‘ کی خلاف ورزی تھا جس کے بعد تنظیم کی قیادت جوابی اقدام پر غور کر رہی ہے۔
غزہ میں فائر بندی کے باوجود اسرائیلی حملوں میں شہید ہونے والے فلسطینیوں کی نمازِ جنازہ جاری ہے۔
ادھر حماس کا ایک وفد قاہرہ میں مصری حکام سے ملاقات کر کے اسرائیل کے ساتھ غزہ میں نافذ جنگ بندی سے متعلق تازہ پیش رفت پر تبادلۂ خیال کر رہا ہے۔
اکتوبر 2023 سے جاری اسرائیلی جارحیت میں اب تک کم از کم 69 ہزار 733 فلسطینی شہید اور ایک لاکھ 70 ہزار 863 زخمی ہو چکے ہیں۔
سات اکتوبر 2023 کے حماس حملوں میں اسرائیل میں ایک ہزار 139 افراد مارے گئے تھے جبکہ تقریباً 200 افراد کو گرفتار کر کے لے جایا گیا تھا۔
