وفاقی آئینی عدالت نے اپنی سرکاری ویب سائٹ کا آغاز کر دیا

و

اسلام آباد،(مشرق نامہ) 22 نومبر (اے پی پی): پاکستان کی وفاقی آئینی عدالت (FCCP) نے اپنی سرکاری ویب سائٹ www.fccp.pakistan.gov.pk کا آغاز کر دیا ہے، جس کے ذریعے اہم معلومات اور وسائل عوام کے لیے باآسانی دستیاب ہو گئے ہیں۔

چیف جسٹس امین الدین خان کا خصوصی پیغام بھی ویب سائٹ پر جاری کیا گیا ہے، جس میں ادارے کے وژن اور شفافیت کے عزم کو اجاگر کیا گیا ہے۔ وفاقی آئینی عدالت کے تمام ججز کے پروفائل بھی آن لائن فراہم کر دیے گئے ہیں۔

اس کے علاوہ، ویب سائٹ پر آئندہ عدالتی ہفتے کی کاز لسٹ بھی جاری کر دی گئی ہے، جس سے وکلاء، مقدمات کے فریقین اور عام شہری باآسانی عدالتی شیڈول تک رسائی حاصل کر سکتے ہیں۔

ویب سائٹ کا آغاز شفافیت کے فروغ اور عدالتی معلومات تک عوامی رسائی کو بہتر بنانے کی جانب ایک اہم قدم ہے۔