مانیڑنگ ڈیسک (مشرق نامہ)پاکستان اور تاجکستان نے اپنے دفاعی و سیکیورٹی تعلقات کو مزید مضبوط بنانے پر اتفاق کیا ہے، جس میں فوجی تربیت، انسدادِ دہشت گردی اور علاقائی سلامتی کے شعبوں میں گہرے تعاون پر خصوصی زور دیا گیا ہے۔ راولپنڈی میں تاجک وزیر دفاع کرنل جنرل سوبیر زودا ایمومالی عبدالرحیم کی آرمی چیف فیلڈ مارشل سید عاصم منیر سے ملاقات کے دوران دونوں ممالک نے دفاعی شراکت داری کو وسعت دینے، مشترکہ انسدادِ دہشت گردی اقدامات کو بڑھانے اور خطے میں امن و استحکام کے لیے مل کر کام کرنے کے عزم کا اظہار کیا۔ تاجک وفد نے پاک فوج کی پیشہ ورانہ صلاحیتوں اور علاقائی امن میں اس کے کردار کو سراہا، جبکہ صدر آصف علی زرداری نے تاجکستان کو وسطی ایشیا کا دروازہ اور پاکستان کو بین الاقوامی آبی راستوں کی گزرگاہ قرار دیتے ہوئے توانائی، تجارت اور عوامی روابط کو مزید مضبوط بنانے کی ضرورت پر زور دیا۔ انہوں نے CASA-1000 توانائی منصوبے کی بروقت تکمیل اور دفاعی تعاون کے فروغ کو دونوں ممالک کے تاریخی اور برادرانہ تعلقات کی مضبوطی کی علامت قرار دیا۔
پاکستان اور تاجکستان کا دفاعی تعاون بڑھانے پر اتفاقپ
