مانیڑنگ ڈیسک (مشرق نامہ)نیو یارک کے میئر منتخب زوہرن مامدانی نے سابق امریکی فیڈرل ٹریڈ کمیشن (FTC) کی چیئرپرسن اور معروف پاکستانی نژاد امریکی قانونی ماہر لینا ملیحہ خان کو اپنی عبوری (transition) ٹیم کے شریک چیئر کے طور پر مقرر کیا ہے۔ مامدانی، جو 34 سالہ اور پہلے مسلم و ساؤتھ ایشین میئر منتخب ہیں، یکم جنوری 2026 کو حلف اٹھائیں گے۔
لینا خان، 36 سالہ، جو بائیڈن انتظامیہ کے دوران FTC کی قیادت کر چکی ہیں، تین دیگر تجربہ کار اہلکاروں کے ساتھ مامدانی کی عبوری ٹیم کی قیادت کریں گی۔ خان نے امریکی صارفین کو غیر منصفانہ کاروباری پریکٹسز سے بچانے اور کارپوریٹ مرجرز کی نگرانی میں اہم کردار ادا کیا۔ ان کی کوششوں کو ترقی پسند حلقوں نے سراہا جبکہ بڑی ٹیک کمپنیوں کے خلاف ان کے اقدامات نے سلیکون ویلی کے بعض اہم افراد کو بھی چیلنج کیا۔
لینا خان لندن میں پاکستانی والدین کے ہاں پیدا ہوئیں جو 2000 میں امریکہ ہجرت کر گئے تھے۔ وہ کولمبیا یونیورسٹی میں کارڈیالوجسٹ ڈاکٹر شاہ رخ علی کی اہلیہ ہیں۔ عبوری ٹیم میں شامل ان کی قیادت نیو یارک شہر کے لیے نئے حکومتی ماڈل اور عوام دوست اقدامات کے نفاذ میں کلیدی کردار ادا کرے گی، جبکہ یہ شہر اقوام متحدہ کا بھی میزبان ہے۔
