قاہرہ،(مشرق نامہ) 7 نومبر (ایس پی اے/اے پی پی): سعودی وزارتِ اسلامی امور، دعوت و رہنمائی اور جامعہ الازہر الشریف کے مابین جمعرات کو قاہرہ میں ایک بین الاقوامی سمپوزیم کا آغاز ہوا، جس کا عنوان تھا:
"اعتدال و توازن کی قدروں کے فروغ میں پیش رو تجربات اور مستقبل کے امکانات”۔
تقریبِ افتتاح میں وزارتِ اسلامی امور کے انڈر سیکریٹری برائے اسلامی امور عوّاد بن سبطی العنزی اور جامعہ الازہر کے نائب شیخ محمد الدوینی کے علاوہ دیگر اعلیٰ حکام نے شرکت کی۔
یہ سمپوزیم دونوں اداروں کے اس مثالی کردار کو اجاگر کرنے کے لیے منعقد کیا گیا ہے جو وہ اعتدال پسندی، رواداری اور انتہا پسندی کے مقابلے میں فکری اعتدال کے فروغ کے لیے ادا کر رہے ہیں۔
تقریب کا مقصد فکری چیلنجز کے موجودہ دور میں اعتدال کے رویے کے مستقبل کے لیے مشترکہ وژن تیار کرنا اور اسلام اور اس کی اعلیٰ اخلاقی قدروں کی خدمت میں دونوں اداروں کے درمیان تعاون و ہم آہنگی کو مزید مضبوط بنانا ہے۔
