اسلام آباد، 4(مشرق نامہ) اکتوبر (اے پی پی): وزیراعظم محمد شہباز شریف نے ہفتہ کے روز کہا کہ حماس کے جاری کردہ بیان نے جنگ بندی اور امن کے قیام کے لیے ایک موقع فراہم کیا ہے جسے دوبارہ بند نہیں ہونے دینا چاہیے۔
وزیراعظم نے اپنے ایکس (X) اکاؤنٹ پر لکھا:”الحمدللہ، ہم اس نسل کشی کے آغاز کے بعد سے اب جنگ بندی کے پہلے سے کہیں زیادہ قریب ہیں۔ پاکستان ہمیشہ فلسطینی عوام کے ساتھ کھڑا رہا ہے اور ہمیشہ کھڑا رہے گا۔”
انہوں نے امریکی صدر ڈونلڈ ٹرمپ کے ساتھ ساتھ قطر، سعودی عرب، متحدہ عرب امارات، ترکیہ، اردن، مصر اور انڈونیشیا کی قیادتوں کا بھی شکریہ ادا کیا، جنہوں نے حالیہ اقوام متحدہ کی جنرل اسمبلی کے اجلاس کے موقع پر صدر ٹرمپ سے فلسطینی مسئلے کے حل کے لیے ملاقات کی۔
وزیراعظم نے اس عزم کا اعادہ کیا کہ پاکستان اپنے تمام شراکت داروں اور برادر ممالک کے ساتھ مل کر فلسطین میں دائمی امن کے قیام کے لیے کوششیں جاری رکھے گا۔
