مانیٹرنگ ڈیسک (مشرق نامہ)الجزیرہ کے مطابق گلوبل صمود فلوٹیلا کے ترجمان سیف ابو کشک نے انسٹاگرام پر مشن اپ ڈیٹ میں تصدیق کی ہے کہ اسرائیلی افواج نے سمندر میں 13 کشتیوں کو روک لیا ہے۔
انہوں نے بتایا کہ ان کشتیوں پر 37 ممالک سے تعلق رکھنے والے 201 سے زائد افراد سوار تھے، جن میں اسپین کے 30، اٹلی کے 22، ترکیہ کے 21 اور ملائشیا کے 12 شرکاء شامل ہیں۔
ابو کشک نے کہا کہ گرفتاریوں کے باوجود ہمارا مشن جاری ہے، اور جہاز بحیرہ روم کے راستے غزہ کا محاصرہ توڑنے کے لیے سفر کر رہے ہیں۔
انہوں نے مزید کہا:
ہمارے پاس تقریباً 30 جہاز ہیں جو اب بھی قابض افواج کے بحری جہازوں سے بچتے ہوئے غزہ کے ساحل تک پہنچنے کی جدوجہد کر رہے ہیں۔ وہ پرعزم ہیں، باحوصلہ ہیں اور ہر ممکن کوشش کر رہے ہیں کہ اس [محاصرے] کو صبح تک توڑ کر اکٹھے پہنچ سکیں۔
