مانیٹرنگ ڈیسک (مشرق نامہ) انادولو ایجنسی کے مطابق اسرائیلی افواج کے گلوبل صمود فلوٹیلا پر حملے کے بعد یورپ کے مختلف شہروں میں فلسطین نواز کارکنوں نے مظاہرے کیے۔
روم میں سیکڑوں مظاہرین، جن میں طلبہ اور مقامی یونین کے کارکن شامل تھے، پیازا دی چِنکوچینتو پر، ٹرمینی اسٹیشن کے سامنے جمع ہوئے۔
بارسلونا میں بھی کئی سو افراد اسرائیلی قونصل خانے کے باہر جمع ہوئے تاکہ بیڑے کو روکنے کی مذمت کریں اور غزہ کے ساتھ اظہارِ یکجہتی کریں۔
اسی طرح برلن میں درجنوں افراد سینٹرل اسٹیشن پر احتجاج کے لیے جمع ہوئے، جبکہ برسلز میں مظاہرین پلاس دے لا بورس سے بیلجیئم کی وزارتِ خارجہ کی طرف مارچ کرتے ہوئے دیکھے گئے۔
