تہران، 8(مشرق نامہ) ستمبر (ایرنا/اے پی پی): ایران کے وزیر داخلہ اسکندر مومنی نے گزشتہ ہفتے افغانستان میں آنے والے مہلک زلزلے پر افسوس کا اظہار کرتے ہوئے کہا ہے کہ تہران متاثرین کو امداد فراہم کرنے کے لیے تیار ہے۔
اتوار کو اپنے افغان ہم منصب سراج الدین حقانی کے نام پیغام میں مومنی نے کہا کہ ایران اس آفت کے بعد "ہر قسم کے تعاون اور امداد” کے لیے آمادہ ہے۔
مومنی نے کہا:دوستانہ اور برادرانہ ملک افغانستان میں حالیہ تباہ کن زلزلہ، جس کے نتیجے میں بدقسمتی سے متعدد شہری جاں بحق اور زخمی ہوئے، میرے اور اسلامی جمہوریہ ایران کے عوام کے لیے گہرے دکھ کا باعث ہے۔
انہوں نے یقین ظاہر کیا کہ افغان حکومت اور عوام اس سانحے پر قابو پا لیں گے اور ایران اپنی مدد فراہم کرنے کے عزم کو دہراتا ہے۔
افغان حکام کے مطابق گزشتہ ہفتے مشرقی افغانستان میں آنے والے 6.1 شدت کے زلزلے میں 622 سے زائد افراد جاں بحق اور تقریباً 1,500 زخمی ہوئے۔
