یروشلم (مشرق نامہ) – اسرائیلی اپوزیشن جماعت یسرائیل بیتینو کے سربراہ آویگڈور لیبرمین نے وزیرِاعظم بن یامین نیتن یاہو پر الزام عائد کیا ہے کہ وہ اقتدار میں رہنے کے لیے غزہ میں حماس کے قبضے میں موجود اسرائیلی یرغمالیوں کی قربانی دے رہے ہیں۔
سماجی رابطے کی ویب سائٹ "ایکس” پر جاری ایک ویڈیو بیان میں لیبرمین نے کہا کہ نیتن یاہو حماس کے ساتھ ممکنہ معاہدے کو آگے نہیں بڑھا رہے جس کے ذریعے یرغمالیوں کی رہائی ممکن تھی، بلکہ انہیں "اتحادی حکومت کو بچانے کے نام پر قربان” کیا جا رہا ہے۔
نیتن یاہو اس وقت شدید تنقید کی زد میں ہیں کیونکہ انہوں نے حماس کے ساتھ ممکنہ جنگ بندی کے معاہدے کو پسِ پشت ڈال کر غزہ شہر پر قبضے کی کوششوں کو ترجیح دی ہے۔
لیبرمین نے اپنے بیان میں کہا کہ میں ایک بار پھر آپ سے کہتا ہوں، سب سے پہلے [یرغمالیوں] کو واپس لایا جائے۔ مساوات سادہ ہے: جنگ بندی کریں اور تمام [یرغمالیوں] کی بیک وقت رہائی حاصل کریں، اس کے بعد ہم حماس کے ساتھ حساب چکا لیں گے۔
