نیو یارک (مشرق نامہ) امریکی چینل سی این این نے گیلپ کے امریکی عوامی رائے عامہ پر مبنی سروے کا حوالہ دیتے ہوئے اعتراف کیا ہے کہ اسرائیلی وزیراعظم نیتن کی مقبولیت میں کمی ہوئی ہے۔ سروے میں نیتن یاہو کی مقبولیت کی درجہ بندی کرتے ہوئے اپریل 2019 اور جولائی 2025 کے اعداد و شمار دکھائے گئے ہیں۔ اپریل 2019 میں 13 پوائنٹس کا اضافہ دیکھا جا سکتا ہے، جبکہ جولائی 2025 میں نیتن یاہو کی مقبولیت میں 23 پوائنٹس کی کمی ریکارڈ کی گئی ہے۔
غزہ میں صہیونی فوجی کارروائیوں کی منظوری پر نومبر 2023 میں 5 پوائنٹس کا اضافہ ریکارڈ کیا گیا تھا، جبکہ جولائی 2025 میں 28 پوائنٹس کی کمی دیکھی گئی ہے۔
یہ رپورٹ واضح کرتی ہے کہ اسرائیل کے روایتی پروپیگنڈا حربے ناکام ہو چکے ہیں۔ یہود دشمنی کے الزام کو بطور ہتھیار استعمال کرنا اب تنقید کو دبانے میں مؤثر ثابت نہیں ہو رہا ہے، خاص طور پر امریکی عوامی رائے میں یہ واضح طور پر دیکھا جا سکتا ہے۔
