اسلام آباد(مشرق نامہ) – پاکستان نے ستمبر میں نیویارک میں ہونے والے اقوامِ متحدہ کی جنرل اسمبلی کے اجلاس کے موقع پر وزیراعظم شہباز شریف اور امریکی صدر ڈونلڈ ٹرمپ کے درمیان ملاقات کی خواہش کا اظہار کیا ہے۔
جولائی 2019 کے بعد وزیراعظم پاکستان اور صدر ٹرمپ کے درمیان کوئی ملاقات نہیں ہوئی۔
تاہم رواں سال جون میں آرمی چیف فیلڈ مارشل عاصم منیر نے وائٹ ہاؤس میں امریکی صدر ٹرمپ سے ملاقات کی تھی۔
وزیراعظم شہباز شریف کو ستمبر 2022 میں امریکی صدر ٹرمپ سے ہاتھ ملانے کا موقع ملا تھا، جب صدر ٹرمپ نے سربراہان حکومت و مملکت کے اعزاز میں ایک استقبالیہ دیا تھا۔
باوثوق ذرائع کے مطابق، وزیر خارجہ اسحاق ڈار اور ان کے امریکی ہم منصب سیکریٹری روبیو کے درمیان گفتگو کے دوران پاکستان کی جانب سے وزیراعظم شہباز شریف اور صدر ٹرمپ کے درمیان ملاقات کی خواہش کا اظہار کیا گیا۔
