اسلام آباد (مشرق نامہ) وفاقی حکومت نے افغان پناہ گزینوں کے لیے جاری کردہ پروف آف رجسٹریشن (PoR) کارڈز کی مدت میں توسیع پر غور کرتے ہوئے تمام متعلقہ اداروں کو ہدایت کی ہے کہ حتمی فیصلے تک PoR کارڈ رکھنے والے پناہ گزینوں کے خلاف کوئی کارروائی نہ کی جائے۔ سرکاری اعلامیے میں کہا گیا ہے کہ کسی قسم کی ہراسانی یا منفی اقدام سے گریز کیا جائے۔ پاکستان میں اس وقت تقریباً 28 لاکھ افغان پناہ گزین موجود ہیں، جن میں سے 13 لاکھ کے پاس PoR کارڈز اور 8 لاکھ سے زائد کے پاس افغان سٹیزن کارڈز (ACC) ہیں۔ مارچ 2024 میں حکومت نے غیر قانونی غیر ملکیوں اور ACC رکھنے والوں کو ملک چھوڑنے کا حکم دیا تھا، جس کے بعد نومبر 2023 سے اب تک 13 لاکھ افغان شہریوں کو واپس بھیجا جا چکا ہے۔ تاہم نئے حکم نامے سے PoR کارڈ رکھنے والوں کو وقتی ریلیف مل گیا ہے۔ پارلیمانی سیکریٹری مختار احمد ملک نے بتایا کہ حکومت دستاویزات سے متعلق پالیسیوں پر نظرثانی کر رہی ہے، جبکہ سیکیورٹی اور معاشی دباؤ کے باعث بارڈر اور امیگریشن پالیسیوں میں سختی آئی ہے۔
حکومت نے PoR کارڈ رکھنے والے افغان مہاجرین کی ملک بدری روک دیح
