اسلام آباد (مشرق نامہ) ڈپٹی وزیراعظم اسحاق ڈار نے کہا ہے کہ حکومت صارفین اور سپلائرز دونوں کے مفادات کے تحفظ کے لیے پرعزم ہے، اور اس بات کو یقینی بنایا جا رہا ہے کہ ضروری اشیائے خوردونوش عوام کے لیے سستی اور آسانی سے دستیاب رہیں۔
انہوں نے یہ بات اسلام آباد میں ایک فالو اپ اجلاس کی صدارت کرتے ہوئے کہی، جس میں خاص طور پر چینی کی قیمتوں اور سپلائی کا جائزہ لیا گیا۔
اجلاس میں چینی کے شعبے کے مختلف پہلوؤں کا جائزہ لیا گیا، جن میں ملکی پیداوار، درآمدی ضروریات، سپلائی چین کی کارکردگی اور مارکیٹ میں دستیابی شامل تھیں۔ اس موقع پر 5 لاکھ ٹن چینی درآمد کرنے کی اصولی منظوری بھی دی گئی۔
