اسلام آباد، 18 جون (اے پی پی): وزارت خارجہ کے ترجمان نے بدھ کے روز جاری کردہ ایک بیان میں کہا ہے کہ بعض میڈیا رپورٹس کے برعکس، پاکستان اور ایران کے درمیان تمام سرحدی کراسنگ مکمل طور پر فعال ہیں۔ ترجمان کے مطابق دونوں ممالک کے درمیان سرحدی نقل و حرکت اور تجارتی سرگرمیاں معمول کے مطابق جاری ہیں، اور کسی بھی سرحدی کراسنگ کی بندش کی اطلاعات بے بنیاد ہیں۔ ترجمان نے کہا کہ پاکستان ایران کے ساتھ قریبی سفارتی، تجارتی اور عوامی روابط کو اہمیت دیتا ہے اور دونوں ممالک کے درمیان سرحدی تعاون کو مزید مضبوط بنانے کے لیے اقدامات کیے جا رہے ہیں۔
